Bóka kynningu

Hugbúnaður fyrir velferðarþjónustu

Skráning sem starfsfólk og fjölskyldur geta treyst.

Tento smíðar hugbúnað fyrir búsetuúrræði og velferðarþjónustu. Fyrsta varan okkar, Hörður, heldur utan um vaktaskipti, dagbók, lyfjagjöf og atvik. Hver færsla er dulkóðuð, rekjanleg og verður aldrei þurrkuð út.

Bóka kynningu Kynnast Herði
  • Rafræn skilríki
  • Á íslensku
  • Byggt fyrir iPad
Hörður frá Tento

Dagbókarvörður fyrir búsetuúrræði

Hörður er spjaldtölva á vaktinni. Starfsfólk skráir sig inn með rafrænum skilríkjum, tekur við vaktinni, skráir dagbók og atvik í fáum skrefum og sér strax hvað þarf að gera. Stjórnendur fá yfirsýn yfir öll úrræði og dagskýrslu frá hverju heimili.

Vaktaskipti

Hver vakt byrjar á sömu mynd: atvik frá síðustu vöktum, ógefin lyf og nýjustu færslur. Starfsmaður staðfestir að hann hafi lesið og tekur við.

Dagbók í skrefum

Líðan, svefn, rútína, nám og félagsleg virkni, eitt skref í einu. Fljótlegt á milli verka og eins uppsett hjá öllum.

Atvik (ABC)

Aðdragandi, hegðun og afleiðing, alvarleiki, inngrip og hverjir voru látnir vita. Atvik birtast á næstu vaktaskiptum.

Lyfjagjöf

Lyf eftir tímaáætlun. Gefið, neitað eða sleppt, skráð á þann sem gaf og hvenær. Ógefin lyf sjást strax.

Rekjanleiki og leiðréttingar

Engu er breytt eða eytt. Leiðrétting er ný færsla með ástæðu, og upprunalegi textinn stendur áfram við hliðina.

Yfirlit og dagskýrslur

Stjórn sér öll úrræði á einum stað og fær dagskýrslu frá hverju heimili: dagbók, atvik, lyf og hvort tekið var við öllum vöktum.

StjórnSetur upp úrræði og sér yfirlit og dagskýrslur allra.
DeildarstjóriHeldur utan um fólk, starfsfólk og lyf í sínu úrræði.
HópstjóriLeiðréttir færslur og fer yfir færsluskrá.
StarfsmaðurSkráir dagbók, atvik, lyfjagjöf og vaktaskipti.

Öryggi og persónuvernd

Viðkvæmar upplýsingar fá vernd frá fyrsta degi

Upplýsingar um börn og fatlað fólk eru viðkvæmar persónuupplýsingar. Hörður er hannaður út frá því, ekki lagaður að því eftir á.

Dulkóðað í hverjum reit

Færslur, nöfn, lyf og aðgangsskrá eru dulkóðuð með AES-256-GCM áður en þau fara í gagnagrunn. Afrit sýnir aðeins dulkóðaðan texta.

Óbreytanleg færsluskrá

Hver færsla er keðjuð við þá fyrri með fingrafari. Ef einhver breytir gögnum framhjá kerfinu kemur það í ljós, á nákvæmlega þeirri færslu.

Aðeins skráð starfsfólk

Innskráning með rafrænum skilríkjum, og aðeins þau sem stjórnandi hefur skráð komast inn. Kennitala er aldrei geymd í heild.

Aðgangsskrá

Skráð er hver skoðaði hvað, hvenær og á hvaða tæki. Persónuverndarfulltrúi getur farið yfir það hvenær sem er.

Ykkar gögn, ykkar gagnagrunnur

Hver viðskiptavinur fær eigin gagnagrunn og eigin dulkóðunarlykil. Gögn eins blandast aldrei gögnum annars.

Spjaldtölvan á vaktinni

Sjálfvirk útskráning, vatnsmerki með nafni og tíma á skjánum, og stuðningur við læsta spjaldtölvu sem keyrir aðeins Hörð.

#LOG-0044 09:45 · fingrafar 7f3a…c91e  →  #ABC-0041 13:20 · fyrra 7f3a…c91e · fingrafar 2b8d…04af  →  #LEI-0046 15:52 · fyrra 2b8d…04af · leiðréttir #ABC-0041

Hvernig byrjum við

Frá samningi að fyrstu vakt

Þið þurfið enga netþjóna og engan tölvumann. Tento rekur kerfið; þið setjið upp ykkar úrræði og ykkar fólk.

  1. Kynning og samningur

    Við förum yfir starfsemina með ykkur og gerum vinnslusamning um persónuupplýsingar.

  2. Ykkar eigið svæði

    Þið fáið eigið vistfang og uppsetningarkóða. Stjórn setur upp úrræði, vaktir og einingar.

  3. Fólkið skráð

    Deildarstjórar skrá starfsfólk með kennitölu og þau sem fá þjónustu, ásamt lyfjum.

  4. Fyrsta vaktin

    Starfsfólk skráir sig inn á spjaldtölvunni með rafrænum skilríkjum og byrjar að skrá.

Um Tento

Hugbúnaður fyrir fólk sem sinnir fólki

Tento smíðar hugbúnað fyrir velferðarþjónustu. Við byrjum þar sem þörfin er mest: í búsetuúrræðum, þar sem starfsfólk skiptist á vöktum og skráningin þarf að vera bæði fljótleg og áreiðanleg.

Hörður er fyrsta varan okkar. Hann var hannaður með einföldu markmiði: að starfsfólk eyði minni tíma í skráningu og meiri tíma með fólkinu, og að ekkert sem skráð er glatist eða breytist.

Einfalt á vaktinniStórir hnappar, skýr skref, á íslensku.
Traust í grunninnDulkóðun, rekjanleiki og rafræn skilríki, ekki aukahlutir.
Íslenskar aðstæðurLög um persónuvernd, íslensk hlutverk og íslenskt starfsfólk.

Viltu sjá Hörð í notkun?

Við sýnum ykkur kerfið á ykkar forsendum og förum yfir hvernig það passar við ykkar starfsemi.

Bóka kynningu